Прэзідэнт Францыі Эмануэль Макрон абвясціў, што ўнясе законапраект аб асіставаным суіцыдзе. Новы закон будзе тычыцца магчымасці пазбаўлення жыцця пацыента па яго жаданні.
Праект прэзідэнта ўжо выклікае спрэчкі. Эмануэль Макрон заявіў у інтэрв'ю каталіцкай штодзёнцы La Croix, што «дапамога ў смерці» павінна быць магчымая пры строга вызначаных умовах. Закон прызначаны толькі для дарослых, якія цалкам усведамляюць свае дзеянні, у тым ліку асобаў, якія пакутуюць ад невылечнай хваробы, якая выклікае невыносны боль, якога немагчыма палегчыць.
Згоду на асіставаны суіцыд павінны прымаць лекары. Пацыент змог бы прымаць адпаведнае рэчыва самастойна, з дапамогай блізкага чалавека або медыцынскага персаналу, застаючыся дома, у бальніцы або ў доме для пажылых людзей.
Чакаецца, што ў красавіку прэзідэнцкі праект паступіць у Савет Міністраў, а ў траўні – у парламент.
Прэзідэнцкі законапраект крытыкуюць эксперты, духавенства і медыцынскія работнікі. Пятнаццаць арганізацый лекараў і медсясцёр напісалі ў сумесным звароце, што іх галасы праігнаравалі, і што яны не жадаюць несці адказнасць за смерць пацыентаў. На іх думку, прэзідэнцкі праект – гэта проста эўтаназія, якая зараз у Францыі забароненая.
IAR/аз