Расійскі ўдар ракетамі па друкарні ў Харкаве забіў сем чалавек і знішчыў 50 тысяч кніг

У друкарні «Фактар-друк» забітыя людзі, спаленыя тысячы кніг.

.

Ігор Лептуга / nakypilo.ua

У выніку расейскага ракетнага абстрэлу друкарні «Фактар-друк» у Харкаве забітыя сем чалавек знішчана 50 тысяч кніг. Пра гэта паведаміў прэзідэнт Украіны Уладзімір Зяленскі.

«Учорашняя атака Расіі на Харкаўскую вобласць, у выніку якой загінулі і параненыя людзі, разбураны друкарскі станок і спаленыя 50 тысяч кніг, сведчыць пра тое, што Расея знаходзіцца ў стане вайны з чалавецтвам і ўсімі бакамі нармальнага жыцця», – заявіў Зяленскі.

Сем супрацоўнікаў друкарні загінулі на працоўным месцы.

«Пяць жанчын і два мужчыны – кожны проста выконваў сваю працу. У гэтай друкарні выпускаліся дзіцячыя кнігі, часопісы, школьныя дзённікі, газеты ды іншае. Цяпер у Харкаве такога прадпрыемства няма», – сказаў кіраўнік следчага ўпраўлення Харкаўскай вобласці Сяргей Болвінаў.

Паводле яго слоў, з-за вялікага пажару целы загінулых моцна абгарэлі, таму апазнаць удалося толькі дваіх. Асобы яшчэ пяці загінулых будуць устаноўлены па ўзорах ДНК.

Падчас масавага абстрэлу Харкава ў чацвер, 23 траўня, расейцы трапілі ў друкарню «Фактар-друк» мясцовага выдавецтва «Віват». Акупанты ўдарылі з комплексу С-300 у цэх і прылеглую тэрыторыю. Друкарня і выдавецтва ўваходзяць у адзін холдынг.

вх