Новы прэмʼер-міністр Францыі будзе прызначаны ў бліжэйшыя дні. Раней Нацыянальны сход – ніжняя палата французскага парламента – прагаласаваў за звяржэнне цэнтрысцкага ўрада прэмʼер-міністра Франсуа Байру.
Франсуа Байру падасць заяўку аб адстаўцы Эмануэлю Макрону ў аўторак. Яго ўрад будзе сканцэнтраваны выключна на бягучых справах, пакуль не будзе прызначаны новы прэмʼер-міністр. Офіс прэзідэнта запэўнівае, што пераемнік не прымусіць сябе доўга чакаць, але назіральнікі не падзяляюць гэтага аптымізму.
«Мы гатовыя ўзяць уладу. Мы прапануем іншы палітычны шлях, чым прэзідэнт Макрон, які завёў нас у тупік», – заявіў Барыс Вало, лідар Сацыялістычнай партыі.
Аднак астатнія апазіцыйныя партыі патрабуюць больш радыкальных крокаў, чым проста змена ўрада. Нацыяналісты заклікаюць да датэрміновых парламенцкіх выбараў, а радыкальныя левыя патрабуюць адстаўкі прэзідэнта. «Мы пададзім прапанову аб адстаўцы прэзідэнта Рэспублікі, таму што ён блакуе сітуацыю ў краіне», – абвясціла Мацільда Пано, лідар левай партыі LFI.
IAR/вх