Прэзідэнт Дональд Трамп абвясціў, што даручыў Пентагону неадкладна аднавіць выпрабаванні ядзернай зброі.
Прэзідэнт ЗША абвясціў аб неадкладным аднаўленні ядзерных выпрабаванняў на платформе Truth Social. Паведамленне з'явілася непасрэдна перад яго сустрэчай з кітайскім лідарам Сі Цзіньпінам у Паўднёвай Карэі.
Дональд Трамп абгрунтаваў гэтае рашэнне неабходнасцю рэагаваць на дзеянні Расіі і Кітая па развіцці сваіх ядзерных праграм. Ён заявіў, што Расія займае «другое месца», а Кітай — «далёкае трэцяе», але можа дагнаць ЗША на працягу пяці гадоў.
Злучаныя Штаты прыпынілі ядзерныя выпрабаванні ў 1992 годзе. Нягледзячы на тое, што Кітай пашырае свой арсенал, ён не праводзіў выпрабаванняў ядзернай зброі з 1996 года, а Расія не праводзіла пацверджаных выпрабаванняў з 1990 года. Аднак нядаўна Масква абвясціла аб выпрабаванні новай падводнай ядзернай сістэмы далёкага радыусу дзеяння і запуску ракеты, здольнай несці ядзерныя боегалоўкі. Гэта тычылася падводнага беспілотніка пад назвай «Пасейдон», выпрабаванне якога абвясціў сам Пуцін.
PR24/яс