Парламент Славаччыны ўвёў прывілеі для прышчэпленых супраць каранавіруса

Славаччына зʼяўляецца адной з краін з самым нізкім адсоткам вакцынаваных у Еўрапейскім Звязу.

Zdjęcie ilustracyjne

PAP/Grzegorz Michałowski

Славацкі парламент прыняў законапраект, які ўводзіць прывілеі для людзей, прышчэпленых супраць каранавіруса ў выпадку пагаршэння эпідэмічнай сітуацыі. Новыя правілы павінны дазволіць пазбегнуць яшчэ аднаго закрыцця гаспадаркі Славаччыны.

Дэбаты па гэтых новаўвядзеннях працягваліся з пятніцы. На працягу двух дзён перад будынкам парламента ў Браціславе пратэставалі супраць абмежаванняў, якія тычацца невакцынаваных людзей.

Законапраект першапачаткова не падтрымлівалі ўсе партыі, якія ўваходзяць у кіроўную кааліцыю. Міністр аховы здароўя Уладзімір Ленгварскі паведаміў, што кампраміс аднак быў дасягнуты:

- Мы будзем рабіць тое, што ўжо робяць іншыя еўрапейскія дзяржавы. У выпадку пагаршэння эпідэмічнай сітуацыі – гэта значыць не цяпер, а магчыма нават ніколі, абавязковай умовай для доступу да некаторых месцаў будзе даведка аб вакцынацыі, праходжанні хваробы або вынік тэсту».

Паводле прынятага закону, людзі, прышчэпленыя супраць COVID-19, будуць мець свабодны доступ да крамаў, рэстаранаў, цэркваў, а таксама ўстановаў культуры і спартыўных аб'ектах. Ад непрышчэпленых у большасці выпадкаў будзе патрабавацца адмоўны вынік тэсту на каранавірус або даведка аб праходжанні COVID-19.

Славаччына зʼяўляецца адной з краін з самым нізкім адсоткам вакцынаваных у Еўрапейскім Звязу. Першую дозу вакцыны тут атрымаў толькі 41% насельніцтва.

iar/эж