Татар (біфштэкс па-татарску)
- 400 г ялавічыны
- 4 жаўткі
- 50 г цыбулі
- 120 г кіслых агуркоў
- 120 г марынаваных грыбоў
- соль, перац
- 2 сталовыя лыжкі алівы або алею
Ялавічыну трэба ачысціць і дробна пасекчы нажом. Найлепшая – паляндвіца. Перамяшаць з алівай, соллю і перцам. Цыбулю, кіслыя агуркі і марынаваныя грыбы дробна пакрышыць. Можна дадаць пару кропель вады, каб татар быў больш мяккі. З мясной масы трэба сфармаваць кругляцы (біфштэксы), лепш за ўсё вільготнымі, халоднымі далонямі. У нас атрымаецца 4 штукі па 100 г. Зрабіць паглыбленне пасярэдзіне. Яйкі абдаць кіпнем, аддзяліць жаўткі і асцярожна пакласці па адным жаўтку ў паглыбленне біфштэкса. Татар падаем ахалоджаным. Абкладваем пакрышанай цыбуляй, марынаванымі грыбамі і кіслымі агуркамі ды падаем на стол.
Смачна есці!
Пра страву татар расказвае пастаянны госць студыі Кацярына Адамская. Побач з ёй ля мікрафона Валеры Саўко.
слухайце аўдыёфайл