Неўзабаве падобны цэнтр плануецца адкрыць у Варшаве, а ў будучыні іх сетка можа пашырыцца і на іншыя краіны, піша Gazeta Wyborcza
Беларускія журналісты, якія былі вымушаныя з'ехаць са сваёй краіны з прычын палітычных рэпрэсій, атрымалі падтрымку ад уладаў Беластока. У канцы жніўня мінулага года яны атрымалі ў арэнду памяшканне ў цэнтры Беластока па адрасе вул. Сянкевіча, 44. Цяпер тут будуць працаваць каля 20 журналістаў.
Журналісты маюць у распараджэнні два пакоі: пакой для сустрэч (напрыклад, з героямі інтэрв'ю) і другі пакой з некалькімі працоўнымі месцамі. Ёсць і невялікая студыя, прызначаная для патрэб радыёжурналістаў.
У дзень адкрыцця каворкінгу працавала фотавыстава гродзенскага фатографа Наталлі Дораш, якая паказвае моманты жыцця вёсак на Гродзеншчыне.
Цяпер у Беларусі 32 прадстаўнікі медыя знаходзяцца ў няволі, больш за сотню журналістаў былі вымушаныя пакінуць краіну.
Каворкоркінг для беларускіх журналістаў адкрыўся дзякуючы падтрымцы ўладаў Беластоку, Fundacja Linking Media, Fundacja Belarus in Focus, Асацыяцыя выдаўцоў рэгіянальнай прэсы «Аб'яднаныя Мас-Медыя».
вх