Цёплыя веснавыя дні ды гэтак званыя «доўгія выходныя» з суботы 29 красавіка па 3 мая з'яўляюцца выдатнай нагодай для экскурсіяў і тур- паездак. Ва ўсходняй частцы Польшчы на Падляшшы адным з найбольш вядомых, турыстычным аб'ектам зʼяўляецца Супрасльская Лаўра – мужчынскі Дабравешчаньскі манастыр.
«Сама Дабравешчанская царква гэта помнік выдатнай архітэктуры Вялікага Княства Літоўскага, прадстаўнік «абароннага дойлідства» з прыгожымі фрэскамі, таму турыстаў у нас шмат» – гаворыць манастырскі экскурсавод ды іканапісец Ян Грыгарук.
Манастыр у Супраслі быў адным з галоўных інтэлектуальных цэнтраў Вялікага Княства Літоўскага нароўні з Кіева-Пячорскай Лаўрай і Вільняй.
З манастырскім экскурсаводам Янам Грыгаруком гутарыла Анна Пятроўская.
Гутарка ў далучаным гукавым файле