Уцякачка: У параўнанні з беларускімі школамі, харчаванне ў польскіх – фантастыка

Я працавала ў дзяржаўнай школе ў Польшчы, там усё нагадвала дарагія мінскія прыватныя школы, у тым ліку, сталоўка і харчаванне, - кажа суразмоўніца БСПР.

Zdj. ilustracyjne

shutterstock/Romrodphoto

Жвавая дзяўчына з аптымістычным паглядам у вачах – гэта наша суразмоўніца Беларускай службы Польскага радыё – спадарыня Віялета (імя змененае па яе просьбе), якая разам з мужам і малым сынам ужо два з паловай гады жыве ў Варшаве.

Прыроджаная бадзёрасць і аптымізм вызначылі і сцежку адаптацыі нашай гераіні да жыцця ў новым моўным і культурным асяроддзі. Сярод іншага, спадарыня Віялета звярнула ўвагу на вялікі кантраст працы пачатковай школы ў Польшчы і Беларусі, асабліва яе ўразіла якасць школьнага харчавання:

-Апроч таго, што я сама мама школьніка, мне давялося нейкі час папрацаваць у школьнай сталоўцы адразу пасля пераезду ў Польшчы. Мяне вельмі моцна ўразіла тое, з чым я мела там дачыненне.

Я працавала ў дзяржаўнай школе ў Польшчы, там усё нагадвала дарагія мінскія прыватныя школы, у тым ліку, сталоўка і харчавання. Нават само афармленне сталоўкі і кухні – сучасныя дызайн, мэбля і кухоннае абсталяванне. Калі ж гаворка ідзе пра ежу, выбар як добрай гарадской кавярні.

У школьным меню былі стравы для вегетарыянцаў, для тых, хто не пераварвае глютену і г. д. Вялікая магчымасць выбару страў ды іх камбінацыі, якасныя прадукты. Якась нашмат лепшая, чым у нас. (...)

А пра гісторыю адаптацыі спадарыні Віялеты ды яе сям'і ў Польшчы, таксама пра цяжкасці гэтага працэсу, слухайце ў далучаным гукавым файле!

эж