75 гадоў таму выбухнула Варшаўскае паўстанне. Гэта быў найбуйнейшы незалежніцкі зрыў Арміі Краёвай і самая вялікая збройная акцыя падполля ў акупаванай немцамі Еўропе.
У Варшаве памятныя ўрачыстасці будуць праходзіць цэлы дзень. У 9 гадзін раніцы ў раёне Ахота каля будынку колішняй канспірацыйная сядзібы Варшаўскага акругу Арміі Краёвай дэлегацыі гораду і раёну ўсклалі кветкі. Гэта ў гэтым месцы палкоўнік Антоні Хрусцель, мянушка Манцёр, падпісаў загад аб пачатку паўстання. У 10.00 распачаліся ўрачыстасці на Макотаве ля помніка «Макотаў у змаганні». Кветкі будуць ускладаць на працягу ўсяго дня ў месцах памяці аб Варшаўскім паўстанні.
Віцэ-старшыня Саюзу паўстанцаў Збігнеў Гальперын кажа, што гэта вельмі важна:
- Каб ушанаваць месцы, якія важныя для паўстанцаў Варшавы.
Пунктуальна а 17.00, у гадзіну «W» (гадзіна пачатку паўстання), у цэлым горадзе завыюць сірэны. Жыхары спыняцца на хвіліну, каб ушанаваць памяць герояў.
А 21.00 каля кургану Варшаўскага паўстання будзе запалены агонь памяці, які патухне 2 кастрычніка, у дзень заканчэння Варшаўскага паўстання.
ав