Еўрапейскі Саюз звяртаецца да бежанцаў з просьбай не прарывацца праз мяжу паміж Турцыяй і Грэцыяй. Аб гэтым кіраўнік дыпламатыі ЕС распавёў пасля пазачарговай сустрэчы міністраў замежных спраў краін ЕС у Харватыі. Брусель абвясціў пра арганізацыю ў чэрвені канферэнцыі донараў для Сірыі.
Дэкларацыі і папярэджанні ЕС з'яўляюцца вынікам міграцыйнага крызісу на турэцка-грэчаскай мяжы, дзе натоўпы імігрантаў спрабуюць трапіць у Еўрапейскі Саюз.
Паводле звестак СМІ, грэчаская памежная служба выкарыстоўвае вадамёты, слезацечны газ і дым, каб адпудзіць імігрантаў.
28 лютага прэзідэнт Турцыі заявіў, што адкрывае мяжу для імігрантаў, якія жадаюць трапіць у Еўропу, паколькі Анкара больш не ўмее ўтрымліваць іх на сваёй тэрыторыі з улікам перспектывы новай хвалі бежанцаў пасля ўзмацнення баявых дзеянняў на паўночным захадзе Сірыі.
Рэджэп Таіп Эрдаган таксама абвінаваціў Еўрасаюз у выкарыстанні імігрантаў у якасці палітычнага інструмента.
яс