На выставе прадстаўлены фотаздымкі з паездак лаўрэаткі Нобелеўскай прэміі на італьянскі паўвостраў у 1911, 1918 і 1931 гадах.
Выстава была натхнёная адкрыццямі, зробленымі даследчай групай Польскай акадэміі навук падчас архіўных даследаванняў у Італіі і Францыі. Ёй удалося знайсці раней неапублікаваныя лісты, сцэнарыі, фатаграфіі і нават квіткі на цягнік. Гаворыць прафесар Інстытута арганічнай хіміі Польскай акадэміі навук Марцін Гурэцкі:
- Фотаздымкі паходзяць пераважна з Італіі, яны былі раскіданыя па розных універсітэтах. Два здымкі, паказаныя напрыканцы выставы, паходзяць з Парыжа. Нашая галоўная мэта – паказаць вучоную як падарожніцу, навукоўца, які актыўна шукаў радый, але таксама як жанчыну з захапленнем.
Выстава прадстаўляе Марыю Складоўску-Кюры не толькі як выдатнага хіміка і фізіка, але і як маці, сяброўку, падарожніцу і гуманістку, дадае Барбара Галэмбёўска, дырэктар музею, прысвечанага польскай лаўрэатцы Нобелеўскай прэміі:
- Уся гэтая гісторыя паказвае нам Марыю з боку, з якога мы мала яе ведаем. Расказвае пра розныя падзеі, якія былі для яе важнымі. Акрамя таго, выстава вельмі прыгожа зробленая. Гэта летняя, італьянская выстава, з прыгожымі ілюстрацыямі, здымкамі. Мы можам адчуць сябе як Марыя, якая глядзела на гэтыя краявіды. Ёсць нават квіток, з якім яна падарожнічала.
Абраныя дакументы, фатаграфіі і цытаты з падарожжаў лаўрэаткі Нобелеўскай прэміі прадстаўлены на 12 дошках на польскай і англійскай мовах.
За межамі Варшавы выстава будзе прадстаўлена ў Генуі, Пізе і Рыме.
ав