Для новай формы польскага энергетычнага сектара неабходна пабудаваць увесь сектар ядзернай энергетыкі, заявіў упаўнаважаны ўрада па стратэгічнай энергетычнай інфраструктуры Пётр Наімскі.
У эфіры Польскага радыё Наімскага запыталі, ці здольная Польшча зрабіць энергетычную трансфармацыю без выкарыстання ядзернай энергіі. Адказ быў наступным: "Не, у Польшчы важным элементам новай формы польскага энергетычнага сектара з'яўляецца будаўніцтва ўсёй атамнай энергетыкі, г.зн. атамныя электрастанцыі".
Ён дадаў, што гэта крыніца, якая забяспечвае энергіяй незалежна ад часу сутак і надвор'я, бяспечна і стабільна. Наімскі звярнуў увагу на тое, што АЭС не выкідвае вуглякіслага газу, і таму яна прыязная для клімата і кліматычных стратэгій, якія з'яўляюцца асновай для прыняцця рашэнняў у ЕС.
Ён падкрэсліў, што калі вугаль перастане быць крыніцай энергіі ў Польшчы, што адбудзецца прыблізна праз 30 гадоў, яго неабходна чымсьці замяніць. "Мы будзем замяняць на ядзерную энергетыку, і мы таксама будзем будаваць у бліжэйшыя 6-8 гадоў газавыя электрастанцыі - у такой колькасці, каб абавязкова адключыць вугальную энергетыку».
Пётр Наімскі нагадаў, што Польшча запусціць першую атамную электрастанцыю ў 2033 годзе. Разглядаюцца два месцы ў раёне Гданьска і адно з іх будзе выбрана.
Энергетычная палітыка Польшчы да 2040 г. прадугледжвае ўвядзенне ў эксплуатацыю першага рэактара ў 2033 г. Канчаткова АЭС будзе мець магутнасць 6-9 ГВт.
ав