Лідар Польскай сялянскай партыі: Польшча павінна перакрыць мяжу з Беларуссю

Паводле Уладзіслава Касіняка-Камыша, пакуль Венгрыя не зменіць сваёй пазіцыі, дзейнасць Вышаградскай групы павінна быць прыпыненая.

Cтаршыня Польскай сялянскай партыі Уладзіслаў Касіняк-Камыш падчас пасяджэння Савета нацыянальнай бяспекі.

PAP/Marcin Obara

«І апазіцыя, і ўрадавая кааліцыя згаджаюцца, што трэба заблакаваць транспарт грузаў у Расію праз польска-беларускую мяжу. Трэба таксама ўзяць пад увагу блакіроўку мяжы з Калінінградскай вобласцю», – лічыць старшыня Польскай сялянскай партыі Уладзіслаў Касіняк-Камыш ў інтэрв'ю газеце Fakt. Палітык лічыць, што варта пачаць з «італьянскага страйку» на мяжы з Беларуссю.

«Калі гэта будзе рашэнне супольнасці, яно будзе мацнейшым. Ёсць толькі пытанне аб пазіцыі Польшчы і магчымасці пераканаць да гэтай ідэі іншых», – дадаў Касіняк-Камыш.

Паводле палітыка, дзейнасць Вышаградзкай групы павінна быць прыпыненая да таго часу, пакуль Венгрыя не зменіць пазіцыі адносна вайны ва Украіне, расійскай агрэсіі і санкцыяў супраць Расіі.

«Пакуль венгерская пазіцыя не будзе перагледжана, працу Вышаградскай групы працягваць не варта», – сказаў лідар Польскай сялянскай партыі і падтрымаў рашэнне кіраўніка Міністэрства нацыянальнай абароны Польшчы Марыюша Блашчака адмовіцца ад удзелу ў саміце міністраў абароны краінаў групы, паведамляе Fakt.

аз