У нядзелю 50 імігрантаў спрабавалі нелегальна трапіць у Польшчу праз мяжу з Беларуссю, паведамляе партал Niezależna. Больш за 14 чалавекам удалося перакрочыць граніцу праз памежную раку Свіслач. Гэта былі грамадзяне Ірану і Конга.
Акрамя таго, 13 чалавек спрабавалі пераадолець металічны плот, які быў нядаўна пастаўлены Польшчай. Гэта ім не ўдалося і яны вярнуліся назад.
Памежнікі таксама затрымалі так званага кур’ера, які дапамагаў нелегалам. Грамадзянін Азербайджана перавозіў ад мяжы пяць сірыйцаў.
У ліпені і жніўні Польская памежная служба зафіксавала каля 900 спробаў нелегальнага перасячэння мяжы Беларусі з Польшчай. Ад пачатку верасня такіх спроб было амаль 750, інфармуе партал.
вс