У Кастрычніцкім судзе ў спісе на разгляд па адмінстрацыйных справаў па артыкулу 23,34 – 15 чалавек.
Маладога юрыста Вадзіма выклікалі ў міліцыю на падставе таго, што яго твар быў зафіксаваны на відэа, якое міліцыянеры рабілі падчас акцыі. Хлопец выйшаў з суда ўвесь узбуджаны:
-Наша судовая сістэма працуе па ўказцы. Ты прыходзіш сюды, а па табе ўжо справа даўно вырашана.
У ізалятары часовага ўтрымання пратэстоўцаў судзілі праз скайп. Людзі, якія выходзілі, распавядалі, што скайп працуе дрэнна, праўда, вынікі адны і тыя: штрафы і суткі.
Аляксей прасядзеў двое сутак і яго сёння яшчэ асудзілі на 20 базавых велічынь:
-Ну што гэта? Проста фальшыўка, а не суд. Усе ўсё разумеюць, а ніхто нічога не робіць. Людзі нешта робяць, а вось суддзі, АМАП, міліцыя...
Сёння павінны былі судзіць прафесара Варшаўскага універсітэту Алеся Краўцэвіча, але да яго не дайшла чарга, яго яшчэ на ноч пакінулі ў ізалятары.
Алесь ЗАВІНОЎСКІ