Зараз рух налічвае прыкладна каля 30 чалавек і называецца “Асобы”.
Пераважна гэта звольненыя акторы Гродзенскага драматычнага тэатра, якія падтрымалі пратэсты ў краіне.
Адзін з заснавальнікаў, ВасільКачан, тлумачыць дзеля чаго спатрэбіўся такі рух. “Дзеля таго, каб мы маглі выказваць свае думкі, свае пачуцці, а таксама думкі і пачуцці беларускіх творцаў і не толькі беларускіх у тых умовах, у якіх мы зараз знаходзімся”. Ён распавёў, што да руху далучаюцца творчыя людзі ўсіх напрамкаў мастацтва.
І рух не абмяжоўвае сябе толькі сцэнай. Дарэчы, першай яго акцыяй лічыцца творчы вечар прысвечаны памяці 100 расстраляных паэтаў, які сёлета быў праведзены ў Гродне.
Зараз удзельнікамі руху рыхтуюцца два дзіцячыя праекты, спектакль па жаночай беларускай паэзіі.
У руху няма канкрэтнага лідэра, кожны мае права прапанаваць сваю ідэю.
Алесь ЗАВІНОЎСКІ