Пра гэта паведаміла «Наша Ніва» са спасылкай на словы маці Дзяніса Надзеі Міхайлаўны. Затрыманне адбылося ўвечары 26 красавіка. Прыкладна а 18-й гадзіне ў кватэру Краўчукоў прыйшлі больш за дзесяць супрацоўнікаў КДБ.
Дзяніс праходзіць у якасці абвінавачанага па артыкуле 357 КК «Змова ці іншыя дзеянні, здзейсненыя з мэтай захопу дзяржаўнай улады». Тэрмін знаходжання пад вартай працягнуты да 2 месяцаў.
Галоўнай прычынай арышту Краўчука сваякі лічаць той факт, што ён адбываў пакаранне ў адной камеры з Юрасём Зянковічам, якога затрымалі за акцыю пратэсту ў Мядзелі 9 жніўня. Дзяніса затрымалі тады як назіральніка ды прысудзілі 10 сутак арышту.
26 кастрычніка Краўчук уладкаваўся на працу ў Літву дальнабойшчыкам, у лістападзе з’ехаў туды. 8 красавіка ён прыехаў у Беларусь, каб працягнуць візу.
юл