У пасяджэнні ўзялі ўдзел генеральны сакратар ААН Антонію Гутэрыш і дзяржаўны сакратар ЗША Энтані Блінкен.
ЗША і кіраўніцтва ААН разглядаюць як альтэрнатыву транзіт украінскага збожжа праз Беларусь. Паводле The Wall Street Journal, улады ЗША прапануюць прыпыніць на паўгода санкцыі супраць беларускага калійнага экспарту, калі Мінск пагодзіцца на транзіт украінскага збожжа праз сваю тэрыторыю да порта ў літоўскай Клайпедзе.
«Беларуськалій» і «Беларуская калійная кампанія» трапілі пад заходнія санкцыі ў 2021 годзе, аднак маштабна гэтыя санкцыі запрацавалі толькі ў лютым 2022 году, калі Літва спыніла транзіт беларускага калію на сусветныя рынкі.
The Wall Street Journal піша, што нават калі наладзіць пастаўкі ўкраінскага збожжа праз Беларусь, па чыгунцы можна будзе перавезці толькі 10% даваенных экспартных аб’ёмаў паставак з Украіны.
ав/Свабода