У Кіеве затрымалі беларускую праваабаронцу Анісію Казлюк. Пра гэта дзяўчына паведаміла ў сябе ў Facebook. Паводле яе слоў, прычынай затрымання з'яўляецца нелегальнае знаходжанне на тэрыторыі Украіны.
Казлюк можа пагражаць штраф і выправаджэнне з краіны.
Ва Украіне Казлюк актыўна займаецца валанцёрскай дзейнасцю.
Дарадца Святланы Ціханоўскай Франак Вячорка ў сваю чаргу пракаментаваў: «Назіраем за справай Анісіі Казлюк і вырашаем пытанне з уладамі Украіны, каб усё скончылася спрыяльна».
Пазней Святлана Ціханоўская паведаміла: «Мы выйшлі на сувязь з Анісіяй, пасля чаго кіраўнік прадстаўніцтва Офіса ў Кіеве Валер Кавалеўскі звязаўся з МУС Украіны і старшынём камітэта па правах чалавека Вярхоўнай Рады. Яго запэўнілі, што дэпартацыі Анісіі не будзе. Вызначаныя далейшыя крокі па вырашэнні інцыдэнту».
вх