Па дадзеных «Вясны», у кастрычніку было затрымана мінімум 317 чалавек. Вядома пра не менш за 193 судовыя пасяджэнні паводле адміністрацыйных спраў, з якіх было прызначана мінімум 95 адміністрацыйных арыштаў і не менш за 21 штраф.
Так, напрыклад, Аляксея Маісеенку з Наваполацку арыштавалі за пост у «Вконтакте» з назвай «Я не признаю результаты выборов в Белоруссии». Міліцыянты палічылі гэта «пікетаваннем», таму склалі пратакол па арт. 24.23 КаАП. Аляксей віну не прызнаў і сцвярджаў, што ягоную старонку ўзламалі за месяц да арышту і ў яго доступу не было.
«У дадзенай публікацыі ёсць тэкст «Я не признаю результаты выборов в Белоруссии», таксама ёсць тэкст са спасылкай «Падтрымайце, калі ласка петыцыю», што сведчыць пра публічнае выказванне грамадска-палітычных, асабістых і іншых інтарэсаў, дзеянні яго накіраваны на прыцягненне ўвагі грамадзян», – пазначана ў матэрыялах справы. Вынік – 15 сутак.
юл