Рэжым надзвычайнага становішча на межах Літвы з Беларуссю, у Калінінградскай вобласці і на памежных пунктах пропуску за межамі памежнай зоны быў уведзены ў лютым у сувязі з агрэсіяй Расіі супраць Украіны. Кіраўнік ураду Інгрыда Шыманітэ гаварыла перад літоўскім парламентам, што з таго часу сітуацыя прынцыпова не змянілася:
-Нічога не палепшылася. Сітуацыя нават пагоршылася. На тэрыторыі Беларусі з'явіліся дадатковыя расійскія сілы. Таму ў нас, вядома, няма падстаў казаць, што бяспека нейкім чынам палепшылася.
Улады Літвы таксама нагадваюць, што некаторыя грамадзяне Расіі па-ранейшаму не ўедуць у краіну. У асноўным гаворка ідзе пра расійскіх турыстаў, якіх з сярэдзіны верасня не пускаюць на сваю тэрыторыю Літва, іншыя краіны Балтыі і Польшча.
ав