Праваабаронцам паведамляюць пра затрыманне стралкоў у Мінску. Прычына затрымання невядомая, але блізкія мяркуюць, што яна можа быць звязаная з дыверсіяй супраць расійскага самалёта А-50 у Мачулішчах.
4 і 5 сакавіка на Міншчыне супрацоўнікі КДБ праводзілі затрыманні праз пашкоджаны самалёт у Мачулішчах, паведамляе праваабарончы цэнтр «Вясна». Паводле праваабаронцаў, затрымлівалі ўсіх, каго пераследавалі паводле адміністрацыйных палітычных артыкулаў з 2020-га па 2023 год. Людзей пасля ператрусаў вязуць у СІЗА КДБ.
Праваабаронцам «Вясны» вядома сама меней дзесяць такіх выпадкаў.
ав/Свабода