У рэдакцыі газеты «Інфа-Кур’ер» у Слуцку прайшоў ператрус, затрыманыя супрацоўнікі.
Як стала вядома Беларускай асацыяцыі журналістаў, раніцай 15 сакавіка ў рэдакцыі недзяржаўнай газеты «Інфа-Кур’ер» сілавікі правялі ператрус. Ва ўсіх прысутных былі ўзятыя падпіскі аб неразгалошванні.
Па інфармацыі БАЖ трое супрацоўнікаў рэдакцыі затрыманыя. Таксама няма сувязі з галоўным рэдактарам выдання Сяргеем Станкевічам.
БАЖ стала вядома, што ператрус сёння раніцай таксама адбыўся ў Вілейцы ў доме галоўнага рэдактара «Рэгіянальнай газеты» Аляксандра Манцэвіча.
З Аляксандрам Манцэвічам і яго жонкай Нінай Манцэвіч знікла сувязь. Дзе яны цяпер, невядома.
«Рэгіянальная газета» – вядучае недзяржаўнае грамадска-палітычнае выданне Маладзечна і рэгіёна. У 2022 годзе ўлады прызналі матэрыялы сайта выдання «экстрэмісцкімі матэрыяламі», з таго часу выданне выходзіць у сацыяльных сетках.
яс