У Магілёўскай вобласці Беларусі ўжо на ўсю моц вядзецца будаўніцтва ваеннага лагера для наймітаў ПВК «Вагнер», паведамілі «Вёрстцы» ў лясніцтве вобласці. Па словах суразмоўцы, лагераў будзе некалькі, адзін з іх размесціцца недалёка ад горада Асіповічы.
«Мы працуем, ужо сёння працуем. Заўтра да абеду стаіць задача [пабудаваць]», – сказаў суразмоўца «Вёрсткі». Ён дадаў, што плошча лагера складзе 24 тысячы квадратных метраў, ён будзе разлічаны на восем тысяч ложкаў.
Інфармацыю аб тым, што наймітаў адправяць у Беларусь, пацвярджаюць і сваякі ўдзельнікаў групы «Вагнер».
Белсат перадае, што ў Асіповіцкім райвыканкаме аспрэчылі інфармацыю: «У нас ніякай такой інфармацыі няма. Ніякіх размоваў пра гэта не было, нічога. Мяркую, калі будзе інфармацыя, яна будзе асвятляцца ў медыях», – заявілі.
У Міністэрстве лясной гаспадаркі таксама сказалі, што інфармацыяй пра «лагер для баевікоў» не валодаюць.
ав/Белсат