Аднадзённы мяцеж групоўкі Вагнера паказвае расколіны ў ваеннай моцы Расіі, заявіў у Люксембургу вярхоўны прадстаўнік ЕС па знешняй палітыцы і палітыцы бяспекі Жазэп Барэль. Такім чынам еўрапейскі дыпламат пракаментаваў суботні мяцеж кіраўніка групоўкі Яўгена Прыгожына, які пасля ўзяцця Растова і некалькіх гадзінаў маршу ў кірунку расійскай сталіцы адмовіўся ад паходу на Маскву і адвёў свае войскі:
-Безумоўна, мы ўважліва сочым за сітуацыяй, але зараз самы час падтрымаць Украіну як ніколі. Пра падзеі ў Расіі ведаюць усе. Важна разумець, што гэта падрывае ваенную моц Расіі і ўплывае на палітычную сістэму. Пачвара, якую стварыў Пуцін, група Вагнэра, цяпер грызе яго і ідзе супраць свайго стваральніка.
Пры гэтым Жазэп Барэль прызнаў, што нестабільнасць у краіне, якая валодае ядзернай зброяй, выклікае трывогу.
iar/ez