Лагер падрыхтоўкі «вагнераўцаў» можа з'явіцца на Гродзеншчыне

Напярэдадні зʼявіліся звесткі пра будаўніцтва такога ж лагера каля Асіповічаў у Магілёўскай вобласці.

«Вагнэраўцы» падчас выхаду з Растова

Фота:TRINGER / Reuters / Forum

Лагер падрыхтоўкі «вагнераўцаў» можа зʼявіцца ў Гродзенскай вобласці. Пра гэта паведаміў гродзенскі тэлеграм-канал, блізкі да сілавікоў. Гаворыцца, што пытанне прынцыпова вырашанае, цяпер ідзе падбор адпаведнай пляцоўкі, паведамляе euroradio. Напярэдадні зʼявіліся звесткі пра будаўніцтва такога ж лагера каля Асіповічаў у Магілёўскай вобласці.

Увечары 26 чэрвеня ў сваім выступе Уладзімір Пуцін заявіў, што байцы ПВК «Вагнер» маюць выбар – ці заключыць кантракты з Мінабароны Расіі, ці вярнуцца да мірнага жыцця, ці сысці ў Беларусь. Раніцай у аўторак 27 чэрвеня ТГ-канла «Беларускі Гаюн» паведаміў, што на вайсковым аэрадроме ў Мачулішчах прызямліўся прыватны борт Яўгена Прыгожына.

Раней расійскія ўлады таксама заяўлялі, што крымінальную справу на кіраўніка «вагнераўцаў» Яўгена Прыгожына спыняць пад умовай ягонага пераезду ў Беларусь.

эж