Міжнародныя рэзервовыя актывы Беларусі знізіліся за чэрвень на 80,6 мільёнаў долараў. Па стане на 1 ліпеня яны склалі 7 мільярдаў 79 мільёнаў долараў. Такія звесткі апублікаваў Нацыянальны банк.
Золатавалютныя рэзервы зніжаюцца трэці месяц запар. У маі рэзервы скараціліся на 96 мільёнаў долараў. У красавіку таксама было зніжэнне — на 130 мільёнаў долараў.
Па якой прычыне — невядома, бо гэта сакрэтная інфармацыя. Цяпер Нацбанк не раскрывае, якім чынам растуць ці змяншаюцца рэзервы. Ужо амаль год гэтая статыстыка засакрэчаная.
Згодна з планамі, на канец года ЗВР павінны складаць не менш за 6 мільярдаў долараў.
Крыніца: «Наша Ніва»