Літва ў аднабаковым парадку закрыла памежны пераход «Меднікі - Каменны Лог», верагодна, з-за мігранта з Пакістана. Пра гэта паведамляе BNS са спасылкай на Службу дзяржаўнай мяжы Літвы.
Рашэнне аб часовым закрыцці дзяржаўнай мяжы ў пункце пропуску было прынята пасля спрэчкі з беларускімі памежнікамі, якія адмовіліся прыняць грамадзяніна Пакістана, які спрабаваў трапіць у Літву па падробленых дакументах, паведамляе «Еўрарадыё».
Каля 16-ай гадзіны, па мінскім часе, «Зеркало» паведаміла, што Літва пачала прапускаць праз памежны пункт пропуску аўтобусы, пакуль што толькі з літоўскімі нумарамі.
Калі цалкам адновяць рух праз памежны пераход «Меднікі – Каменны Лог», пакуль не зразумела.
Грамадзянам, якія накіроўваюцца ў Беларусь і выязджаюць з Беларусі, рэкамендуецца выбіраць іншыя пункты пропуску.
аз