Федэрацыя амерыканскіх навукоўцаў паведамляе, што прыкметаў размяшчэння або транспарціроўкі расійскай тактычнай ядзернай зброі на тэрыторыі Беларусі няма.
Аналізуючы спадарожнікавыя здымкі беларускіх вайсковых базаў і транспартнай сеткі, навукоўцы прыйшлі да высновы, што ніводзін вайсковы аб’ект у Беларусі, у тым ліку вайсковая база пад Асіповічамі ў Магілёўскай вобласці, не мае неабходнай інфраструктуры для размяшчэння ядзернай зброі.
У чацвер на прэс-канферэнцыі ў Мінску Аляксандр Лукашэнка заявіў, што частка ядзерных боегаловак ужо размешчана на тэрыторыі Беларусі. Незалежныя аналітыкі меркавалі, што яны знаходзіліся на вайсковай базе ў раёне Асіповічаў.
яс/IAR/svaboda.org