Гэта вынік выканання пастановы Міністэрства ўнутраных спраў і адміністрацыі, якая дзейнічае з моманту ўспышкі пандэміі каранавіруса да цяперашняга часу. Міжведамасная група польскага ўраду, якая аналізуе нацыянальную міграцыйную палітыку, абмяркоўвае магчымыя змены ў гэтай сферы, чытаем на сайце rynek-kolejowy.pl.
У сакавіку 2020 года на чыгуначных памежных пераходах у Тэрэспалі і Кузніцы Беластоцкай спыніўся пасажырапаток. З пачаткам пандэміі каранавіруса былі ўведзены прававыя рашэнні для прадухілення распаўсюджвання COVID-19. Абмежаванні на чыгуначныя перавозкі з Польшчы ў Беларусь дзейнічаюць і сёння, а папярэдні ўрад абгрунтоўваў іх магчымасцю выкарыстання злучэнняў для аказання міграцыйнага ціску на Польшчу.
Рэгламент захоўваўся і пасля змены польскіх улад. Аднак новы ўрад анансуе аналіз існуючых рашэнняў, якія дазволяць выпрацаваць эфектыўную міграцыйную палітыку. Згодна з дэкларацыяй, гэта павінна стаць адным з прыярытэтаў міністра ўнутраных спраў. – Прыпыненне пасажырскіх чыгуначных перавозак на мяжы з Беларуссю – гэта наступства больш шырокай праблемы. У цяперашняй сітуацыі існуючай пагрозы штучнага міграцыйнага ціску ўсе прымаемыя дзеянні патрабуюць комплекснага падыходу, каб адно рашэнне або прававы акт не спарадзіў праблемы ў іншых сферах, – адзначае МУС.
У студзені аднавіла працу міжведамасная група па справах міграцыі, якая павінна распрацаваць новую ўрадавую стратэгію адносна рэакцыі дзяржавы на міграцыйныя працэсы і знаходжанне замежнікаў на тэрыторыі Рэспублікі Польшча. – Яе першае пасяджэнне адбудзецца 7 лютага, – паведамляе прэс-служба міністра. У тэматычную сферу работы органа ўвойдуць, у тым ліку: распрацоўка змяненняў у нарматыўных актах, у тым ліку магчымая папраўка да пастановы Міністэрства ўнутраных спраў і адміністрацыі аб прыпыненні руху транспарту на польска-беларускіх памежных пераходах.
Ці было прынята нейкае рашэнне пакуль невядома.
ав/rynek-kolejowy.pl