Каля 800 тысяч з 1 мільёна 300 тысяч польскіх фермерскіх гаспадарак не прыносяць даходаў. У сваю чаргу каля 500 тысяч з тых, якія карыстаюцца еўразвязаўскімі субсідыямі, вырабляюць ежу толькі для сябе альбо ... наогул нічога не вырабляюць, канстатуе журналістка Эва Брыла на старонках выдання Gazeta Wyborcza.
Фермер не ўстане прадугледзець надвор'я і памеру ўраджаю, але памер субсідыі можа прагназваць. Таму фермер можа планаваць інвестыцыі зыходзячы з гэтых сродкаў. Аднак, бяда ў тым, што сельскагаспадарчыя субсідыі не заўсёды ўкладваюцца ў сельскую гаспадарку, паколькі не заўсёды звязаны з вытворчасцю і эфектыўнасцю працы фермера.
Паводле выдання, многія фермеры не выжылі б, калі б не сродкі з Еўрасаюза: яны або выпалі б з рынку альбо наогул на ім не з'явіліся б.
Паводле падлікаў Юстыны Гураль (Justyna Góral) з Варшаўскай школы эканомікі, каля 800 тысяч фермаў вырабляе прадукты для рынку, але толькі палова з іх (каля 400 тысяч) захавала б канкурэнтаздольнасць без субсідый з Еўрасаюза.
Каля 500 тысяч фермераў вырабляюць сельскагаспадарчыя прадукты выключна для ўласных патрэб альбо зусім іх не вырабляюць, а еўразвязаўскія даплаты атрымліваюць на звычайныя лугі, паведамляе Gazeta Wyborcza.
аз