Ёсць першыя штрафы за невыкананне новых законаў, прынятых надоечы ў сувязі з эпідэміяй каранавіруса. Паліцыянты звяртаюць увагу мінакоў на неабходнасць падтрымліваць дыстанцыю міжсобку. Так раніцай 1 красавіка ў Гнезна штрафы атрымалі пяцёра мужчын, якія сустрэліся на вуліцы.
Прадстаўнік паліцыі Вялікапольскага ваяводства Мацей Свянцікоўскі заявіў, што мужчыны не рэагавалі на заўвагі праваахоўнікаў:
-Яны не бачылі ў гэтым ніякай праблемы. Пачаткова паліцыянты намагаліся пераканаць правапарушальнікаў, але гэта не займела эфекту. Толькі выпісаныя штрафы змусілі бяседнікаў разысціся па хатах.
У сітуацыях парушэння сацыяльных абмежаванняў польская паліцыя можа накласці штраф у памеры да 500 злотых (прыкладна 110 еўра).
31 сакавіка прэм'ер-міністр Польшча Матэвуш Маравецкі абвясціў аб увядзенні новых абмежаванняў у сувязі з эпідэміяй каранавіруса. Больш жорсткай стала забарона пакідаць жытло. Таксама ўведзены новыя абмежаванні на колькасць людзей, якія могуць адначасова знаходзіцца ў крамах, паштовых аддзяленнях, аптэках або на кірмашах.
З 1 красавіка дзейнічае абавязак вытрымліваць мінімум двухметровую адлегласць паміж людзьмі.
IAR/эж