Міністр нацыянальнай абароны Марыюш Блашчак (Mariusz Błaszczak) заявіў у Першай праграме грамадскага Польскага радыё, што Агенцтва па ўзбраенні пачне працаваць у наступным годзе.
Агенцтва павінна курыраваць працэс закупак ваеннай тэхнікі для польскай арміі.
Кіраўнік Мінабароны заявіў, што па акце аб стварэнні агенцтва былі праведзеныя кансультацыі з экспертамі:
- Па законапраекце прайшлі ўжо вонкавыя кансультацыі. Два дні таму мы прэзентавалі праект закона па агенцтве, каб даць магчымасць выказацца экспертам. Цяпер мы пачынаем абмеркаванне праекту з урадам, а пазней яшчэ Сейм. Я думаю, што ў будучым годзе Агенцтва па ўзбраенні пачне працу.
Мэта агенцтва - удасканаліць сістэму закупак тэхнікі і абсталявання для польскай арміі. Міністр Блашчак заявіў, што цяперашняя сістэма закупак, падрыхтавана да бюджэту мадэрнізацыі ў памеры 2 млрд злотых, перастала быць эфектыўнай, бо за апошнія гады выдаткі на мадэрнізацыю арміі павялічыліся ў дзесяць разоў.
аз