Сёння ў Польшчы плануюць баставаць жанчыны і мужчыны, якія іх падтрымліваюць. Прычынай такога кроку стала рашэнне Канстытуцыйнага суда Польшчы. Суд, які знаходзіцца пад уплывам кансерватыўна-каталіцкай кіруючай партыі «Права і справядлівасць», у аўторак тыдзень таму прыняў пастанову адносна абортаў. Суд прызнаў, што перарыванне цяжарнасці з-за паталогіі плода пярэчыць Канстытуцыі.
Згаданую пастанову падтрымлівае Каталіцкі касцёл і палітычныя партыі правага толка.
Супраць пастановы выступае пераважная большасць жанчын, якія выйшлі з пратэстамі на вуліцы гарадоў і населеных пунктаў. Для прыкладу, пазаўчора вечарам Варшава была поўнасцю заблакаваная, паколькі былі перакрытыя асноўныя артэрыі польскай сталіцы.
Сёння многія адмаўляюцца ад працы ў знак пратэсту супраць рашэння суда. Пра адмену заняткаў заявіла частка польскіх універсітэтаў.
вс