Польшча замовіла 85 мільёнаў доз вакцыны супраць COVID-19, у тым ліку амаль 50 мільёнаў вакцынаў вытворчасці Pfizer і Moderna, – заявіў у сераду, 27 студзеня, міністр аховы здароўя Польшчы Адам Нядзельскі:
-На дадзены момант мы маем забяспечаныя 85 мільёнаў доз гэтых вакцынаў, што дастаткова для вакцынацыі амаль 50 мільёнаў чалавек. Адным з гэтых прэпаратаў з'яўляецца аднаразовая вакцына – Johnson. Агульны аб'ём ужо забяспечаных вакцын перавышае колькасць жыхароў Польшчы. Кожны можа адчуваць сябе ў бяспецы.
Адам Нядзельскі дадаў, што Польшча будзе працягваць купляць прышчэпкі супраць каранавіруса Sars-Cov-2.
iar/эж