Субсідыя для фізічных асоб на набыццё электрамабіля складзе 18 750 злотых ($4900), а для асоб з Картай вялікай сям’і – 27 000 злотых ($7000), – паведаміў намеснік міністра клімату Ірэнэўш Зыска. Праграма субсідыяў «Мой электрык» стартуе 12 ліпеня.
Прадстаўляючы ў пятніцу новую праграму субсідый на набыццё транспартных сродкаў з нулявым узроўнем выкідаў, уключаючы электрычныя і вадародныя аўтамабілі, Зыска адзначыў, што яна таксама аказвае падтрымку кампаніям і арганізацыям на арэнду аўтамабіляў.
Ліміт цаны аўтамабіля, які можа падлягаць субсідыям, складае 225 тысяч злотых. Паводле Міністэрства клімату, бюджэт «Майго электрыка» складае 500 мільёнаў злотых, праграма працягнецца да 2025 года альбо да вычарпання сродкаў.
Energetyka24/нг