Адзін чалавек памёр ад COVID-19, а чацвёра ад выкліканымі COVID-19 іншымі хваробамі.
Міністэрства аховы здароўя Польшчы паведаміла, што колькасць новых выпадкаў павольна, але няўхільна павялічваецца.
Да ўчора міністэрства аховы здароўя зафіксавала 256 выпадкаў дэльта-варыянту. Намеснік міністра аховы здароўя Вальдэмар Краска заявіў, што гэтая мутацыя ўжо замяніла папярэдні варыянт, які дамінаваў у трэцяй хвалі пандэміі.
- Дэльта-мутацыя складае больш за семдзесят адсоткаў вывучаных у цяперашні час узораў. У заходнееўрапейскіх краінах - нават больш, у некаторых яна дасягае ста адсоткаў.
Вакцынацыя можа прадухіліць распаўсюджванне каранавірусу. Але ўсё менш і менш людзей запісваюцца на прышчэпкі. Адсюль і зварот прэм'ер-міністра Матэвуша Маравецкага да палякаў, каб тыя пачалі прышчэплівацца.
- Трэба, каб дадатковыя два, тры, чатыры мільёны палякаў прышчапіліся. Тады мы будзем бліжэй да мяжы калектыўнага імунітэту, і тады чацвёртая хваля будзе менш небяспечнай.
Больш за 17 мільёнаў палякаў цалкам вакцынаваныя.
юл