З дапамогай лазераў і газу сілавікі Лукашэнкі зладзілі спробу прарыву мяжы

Памежная варта Польшчы зафіксавалі 219 спробаў незаконнага перасячэння дзяржаўнай, былі затрыманыя тры грамадзяніна Ірака.

Zdjęcie ilustracyjne

Agencja Forum; Straż Graniczna

Прэсавы сакратар міністра-каардынатара спецслужбаў Польшчы Станіслаў Жарын паведаміў, што ўначы ў раёне вёскі Чарэмха адбылася спроба сілавога прарыву праз польскую дзяржаўную мяжу з Беларуссю, у якой удзельнічалі беларускія спецслужбы.

Гэты інцыдэнт чыноўнік назваў чарговай спробай эскалацыі крызісу з боку рэжыму Лукашэнкі. Станіслаў Жарын падкрэсліў, што польскія службы перадухілілі спробу перасячэння мяжы:

-Уначы службовыя транспартныя сродкі з беларускага боку спрабавалі разбурыць памежныя агароджы. У гэты час польскіх жаўнераў асляплялі магутнымі лазерамі, каб ускладніць ім працу. Адначасова беларусы ў гэтае месца накіравалі вялікую групу мігрантаў, якім далі балончыкі са слезацечным газам.

Nieopodal ok.100-os.grupa migrantów oczekiwała na możliwość nielegalnego przekroczenia granicy. Białorusini wyposażyli cudzoziemców w gaz łzawiący, który został użyty w kierunku polskich służb. Tej oraz kolejnym próbom nielegalnego przekroczenia gr. 🇵🇱🇧🇾zapobiegliśmy pic.twitter.com/aUq2WLbv0T

— Straż Graniczna (@Straz_Graniczna) November 13, 2021

Станіслаў Жарын падкрэсліў, што начная спроба прарыву ў Польшчу была падрыхтаванай і праведзенай беларускімі спецслужбамі.

Учора Памежная варта Польшчы зафіксавалі 219 спробаў незаконнага перасячэння дзяржаўнай мяжы, былі затрыманыя тры грамадзяніна Ірака.

iar/эж