ЗША лічаць паведамленні МЗС Вялікабрытаніі аб тым, што Масква хоча ўстанавіць ва Украіне ўладу на чале з прарасійскім лідарам, «глыбока трывожнымі», заявіў у суботу Белы дом.
«Мы падтрымліваем нашых дэмакратычна абраных партнёраў ва Украіне», – падкрэсліў Вашынгтон. «Такі від змовы выклікае глыбокую трывогу. Украінскі народ мае суверэннае права вырашаць пра сваю будучыню, і мы на баку нашых дэмакратычна абраных партнёраў ва Украіне», – сказала прэс-сакратар Рады нацыянальнай бяспекі ў Белым доме Эмілі Хорн.
У суботу ўвечары МЗС Вялікабрытаніі абвясціла, што валодае інфармацыяй, якая сведчыць аб тым, што расійскі ўрад хоча ўстанавіць у Кіеве прарасійскага лідара, што сведчыць аб магчымасці ўварвання і акупацыі Украіны.
Паводле заявы Лондана, у якасці патэнцыйнага кандыдата разглядаецца былы дэпутат Украіны Яўген Мураеў ад былой прарасійскай Партыі рэгіёнаў, а расійскія спецслужбы таксама верагодна падтрымліваць кантакты з іншымі былымі ўкраінскімі палітыкамі.
У Міністэрстве замежных спраў Расіі гэтую інфармацыю абверглі.
PAP/аз