Міністр па справах Еўропы Шыман Шынкоўскі вэль Сэнк (Szymon Szynkowski vel Sęk) ацаніў, што заява кіраўніка Еўракамісіі аб канфіскацыі замарожаных расійскіх актываў зʼяўляецца крокам у вельмі добрым кірунку.
Урсула фон дэр Ляен у запісе, апублікаваным у Twitter, абвясціла аб канфіскацыі замарожаных расійскіх актываў і іх перадачы на аднаўленне Украіны, а таксама аб стварэнні спецыяльнага суда па расійскіх ваенных злачынствах.
Шыман Шынкоўскі вэль Сэнк адзначыў, што польскі ўрад ад пачатку пастуляваў магчымасць канфіскацыі расійскіх актываў:
- Прэмʼер-міністр Польшчы быў адным з першых лідараў, калі не першым, які высунуў такі пастулат. То бок, мы падтрымліваем гэтую ідэю ад самага пачатку. Мы гатовыя не толькі сурацоўнічаць, але і аказаць комплексную падтрымку гэтым дзеянням.
Шкоды, нанесеная ўварваннем Расіі ва Украіну, цяпер ацэньваецца ў 600 мільярдаў еўра. Урсула фон дэр Ляен падкрэсліла, што ЕС мае магчымасць прымусіць Расію і алігархаў заплаціць за гэты ўрон і пакрыць выдаткі на рэканструкцыю Украіны.
IAR/яс