Як сказаў госць Польскага радыё, мадэрнізаваная артылерыя можа адыграць ключавую ролю на вайне Расіі супраць Украіны.
Генерал Раман Полька (Roman Polko) падкрэсліў, што танкі «Абрамс» і «Леапард», якія паступяць ва Украіну, вельмі сучасныя і ўстойлівыя да ўдараў.
«Яны маюць рэактыўную браню, у іх ёсць моцныя сістэмы абароны, сістэма выведкі, сістэма кіравання агнём, якая абганяе старыя расійскія танкі. Таму такія танкі, як «Леапарды» і «Абрамсы», безумоўна, дадуць украінцам перавагу на полі бою. Перавага заключаецца ў тым, што і «Леапарды», і «Абрамсы» могуць эфектыўна страляць ноччу, ва ўмовах абмежаванай бачнасці. Яны маюць выдатныя цеплавізійныя прыборы, сістэму навядзення, вялікі радыус і могуць страляць падчас руху», – растлумачыў генерал.
Былы камандзір спецадзінкі GROM адзначыў, што таксама вельмі важна для падтрымкі Украіны выдзеліць сродкі, якія дапамогуць умацаваць яе паветраную абарону.
IAR/яс