Пра гатоўнасць перадаць гэтыя самалёты Украіне прэзідэнт Анджэй Дуда заявіў у мінулую сераду ў інтэрвʼю CNN. «Мы гатовыя паставіць гэтыя самалёты, і я ўпэўнены, што Украіна будзе гатовая адразу іх выкарыстоўваць», – сказаў тады польскі прэзідэнт.
Сёння прэмʼер-міністр Матэвуш Маравецкі сказаў, што «гэта можа адбыцца ў бліжэйшыя чатыры-шэсць тыдняў».
Кіраўнік канцылярыі прэзідэнта Павел Шрот паведаміў, што «гэта не будзе вялікая колькасць», і ў гэтым выпадку Польшча гатовая выступаць у складзе больш шырокай міжнароднай кааліцыі.
Кіраўнік Міністэрства нацыянальнай абароны, віцэ-прэмʼер Марыюш Блашчак таксама заявіў, што ў гэтым пытанні «існуе поўная згода паміж прэзідэнтам і ўрадам».
IAR/яс