Будзе новая польская кіберпаліцыя

Урад абвясціў аб стварэнні спецыяльнага фонду.

Матэвуш Маравецкі

PAP/Radek Pietruszka

Урад плануе стварыць Цэнтральнае бюро па барацьбе з кіберзлачыннасцю – новую службу па барацьбе з хакерамі. Кіраўнік урада Матэвуш Маравецкі, кажучы пра распаўсюджванне кібератак, заявіў, што «час стварыць службу, якая будзе рэагаваць на гэтыя атакі».

-Пагрозы дзяржаўным установам, але таксама грамадзянам, фірмам, прадпрымальнікам у штодзённым жыцці. Кампутарныя махлярствы, фальшывыя смс-паведамленні, электронныя лісты, крадзеж персанальных дадзеных – з усім гэтым мы вымушаныя змагацца. Каб супрацьдзейнічаць кіберпагрозам, мы ствараем службу, якая будзе займацца толькі і выключна гэтымі праблемамі.

Акрамя Цэнтральнага бюро па барацьбе з кіберзлачыннасцю, урад створыць фонд кібербяспекі, які будзе прадастаўляць паліцыі інструменты і доступ да найноўшых рашэнняў у барацьбе са злачыннасцю. – Ідзе гонка паміж паліцыяй і кіберзлачынцамі. Той, хто хутчэй засвоіць новыя метады, атрымае перавагу, – заявіў прэм'ер-міністр.

ав