Еўрапейскі парламент прыняў рэзалюцыю, якая асуджае пакт Молатава-Рыбентропа і нагадвае пра гераізм тых, хто выступаў супраць таталітарызму, у тым ліку польскага ротмістра Вітальда Пілецкага (Witold Pilecki).
Рэзалюцыя была падрыхтаваная па ініцыятыве еўрадэпутатаў з Літвы і Польшчы ў сувязі з 80-годдзем пачатку Другой сусветнай вайны, а таксама, як кажуць дэпутаты, у сувязі з спробамі „фальсіфікацыі гісторыі з боку Расіі”.
Еўрапарламент нагадвае, што Другую сусветную вайну выклікала не толькі нацысцкая Германія, але і Савецкі Саюз. Рэзалюцыя заклікае Еўракамісію рашуча рэагаваць на выпадкі адмаўлення гэтых фактаў Крамлём.
Еўрапарламент таксама паведаміў аб устанаўленні Міжнароднага дня герояў барацьбы супраць таталітарызму ў дзень смерці ротмістра Вітальда Пілецкага, то бок 25 траўня.
аз