Ва Украіне праходзіць абмен ваеннапалоннымі з прарасійскімі сепаратыстамі з Данбаса. Абмен ваеннапалоннымі праходзіць на прапускным пункце на лініі размежавання недалёка ад Горлаўкі ў Данбасе.
Па словах прадстаўнікоў ДНР/ЛНР, Украіна павінна перадаць ім 87 чалавек у абмен на 55 украінцаў, сярод якіх як вайскоўцы, так і мірнае насельніцтва.
Украіна, у сваю чаргу, вызваліць захопленых ёю прарасійскіх сепаратыстаў, дыверсантаў, адказных за тэракты, а таксама пяцярых экс-беркутаўцаў, абвінавачаных у расстрэле дэманстрантаў на Майдане ў 2014 годзе.
Абмен ваеннапалоннымі паміж Украінай і сепаратыстамі быў узгоднены падчас апошніх перамоваў «нармандскай чацвёркі» ў Парыжы.
ав