Папа Рымскі далучыўся да закліку Генеральнага сакратара ААН Антоніа Гутэрэша неадкладна спыніць узброеныя канфлікты ва ўсім свеце ва ўмовах пандэміі каранавіруса. Францішак апоўдні 29 сакавіка прачытаў Малітву анёла Гасподняга, трансляваную з бібліятэкі Апостальскага палаца ў Ватыкане.
Папа рымскі прывёў словы з Евангелля ад Іаана, якія апісваюць Ўваскрашэнне Лазара. Пантыфік сказаў, што гэта сімвал адраджэння, якое здзяйсняецца праз Святое Хрышчэнне, яно дае вернікам новае жыццё.
Пасля малітвы Францішак заклікаў спыніць узброеныя сутыкненні і стварыць гуманітарныя калідоры для жыхароў тэрыторыяў, ахопленых вайною. «Спрэчкі не вырашаюцца шляхам вайны! Неабходна пераадолець антаганізмы і канфлікты шляхам дыялогу і канструктыўнага пошуку міру», – пераконваў Біскуп Рыму.
Францішак выказаў надзею, што сумесны ўдзел у барацьбе з пандэміяй кранавіруса прывядзе да ўмацавання братэрскіх сувязяў у агульначалавечай сям'і, а нацыянальныя ўрады адновяць намаганні па пераадольванні варожасці паміж дзяржавамі.
Тым часам каранавірус імкліва шырыцца светам. Станам на 29 сакавіка ўзбуджальнік пнеўманіі COVID-19 выяўлены ў больш чым 663 тысяч, памерлі больш за 31 тысячу чалавек. Дзве траціны лятальных зыходаў прыпадаюць на Еўропу.
IAR/DW/эж