Прыхільнікі Аляксея Навальнага плануюць арганізаваць у суботу агульнанацыянальную акцыю пратэсту. Яны хочуць, каб у кожным горадзе праходзілі пікеты пад лозунгам: „Вызваліць Навальнага”. Лідар расійскай апазіцыі знаходзіцца пад вартай. Ён быў затрыманы, калі вярнуўся ў Расію з лячэння пасля спробы яго атруціць.
Генпракуратура папярэдзіла, што дэманстрацыі апазіцыі будуць незаконнымі, і паабяцала блакаваць сайты, якія публікуюць заклікі выходзіць на вуліцы.
Да арганізавання дэманстрацыяў асабіста заклікаў Аляксей Навальны. Яго бліжэйшыя паплечнікі распаўсюдзілі зварот у сацсетках і заклікалі прыхільнікаў апазіцыі да ўдзелу ў акцыі салідарнасці.
Арганізацыю агульнанацыянальнага пратэсту падтрымалі таксама вядомыя інтэлектуалы, мастакі і незалежныя журналісты. Некаторыя з іх апублікавалі ў інтэрнэце відэа, у якіх тлумачаць, чаму яны падтрымліваюць Аляксея Навальнага.
аз