Эксперты ААН падазраюць Кітай у адбіранні органаў у зняволеных

Па дадзеных экспертаў ААН, найбольш папулярнымі органамі для выняцця з'яўляюцца сэрца, ныркі, печань і рагавіца вока.

zdjęcie ilustracyjne

Shutterstock/Amnat Phuthamrong

Эксперты ААН паведамілі, што атрымалі «годную даверу» інфармацыю аб тым, што ў кітайскіх турмах у зняволеных, якія належаць да этнічных і рэлігійных меншасцяў, адбіраюць органы.

«Гвалтоўнае выняцце органаў у Кітаі ажыццяўляецца ў адносінах да прадстаўнікоў этнічных, моўных або рэлігійных меншасцяў, якія змяшчаюцца ў розных рэгіёнах, прычым ім часцяком не паведамляюць прычын затрымання або адсутнічае ордэр на арышт», – гаворыцца ў заключэнні 12 экспертаў, распаўсюджаным у панядзелак, 14 чэрвеня.

Рабочая група ААН па супрацьдзеянні незаконным затрыманням, роўна як і спецыяльны прадстаўнік ААН заявіла, што гэтая інфармацыя «выклікае асаблівую занепакоенасць». Па дадзеных экспертаў ААН, найбольш папулярнымі органамі для выняцця з'яўляюцца сэрца, ныркі, печань і рагавіца вока, а ўжываецца гэтая мера да членаў забароненага руху «Фалуньгун», супраць уйгураў, тыбетцаў, мусульманаў і хрысціянаў.

Член Кітайскага прадстаўніцтва ў Жэневе абвінаваціў экспертаў ААН у паклёпе. Пекін «будзе абараняцца супраць гэтых абвінавачванняў і катэгарычна іх адпрэчвае». Кітайскі дыпламат заявіў пра адсутнасць у экспертаў «рудыментарных разумовых здольнасцяў».

dw/эж