У пасольстве Літвы ў ЗША прайшла сустрэча міжпартыйнай групы Палаты прадстаўнікоў ЗША «Сябры Беларусі», мэтай якой з'яўляецца прасоўванне ў Беларусі дэмакратычных рэформаў.
Падчас канферэнцыі з удзелам Святланы Ціханоўскай амерыканскія палітыкі пацвердзілі, што лічаць менавіта яе, а не Аляксандра Лукашэнку, рэальнай пераможцай прэзідэнцкіх выбараў, паведамляе «Голас Амерыкі».
У планах «Сяброў Беларусі» ў Кангрэсе ЗША – прасоўванне фінансавай дапамогі Беларусі і лабіраванне новых санкцыяў супраць дзейнага рэжыму, а таксама абʼяднанне заходніх краін для абароны суверэнітэту Беларусі.
«Сябры Беларусі» будуць служыць новай платформай для прасоўвання дэмакратыі і падтрымкі беларускага народу, уключаючы выдзяленне 30 мільёнаў долараў, і двухпартыйнаму супрацоўніцтву ў прасоўванні ў Кангрэсе закону «Аб суверэнітэце, правах чалавека і дэмакратыі ў Беларусі», – сказаў кангрэсмэн-дэмакрат Біл Кітынга.
яс паводле Свабоды